Glazba: Zdenko Runjić
Stihovi: Tomislav Zuppa

Sad san naresa doša san velik,
mater govori da san ti nalik
i da san isti ka tvoja slika
kad si se ono s materon slika.

Svak mi se ruga da si uteka
mater govori da si joj reka
zdravjen se kleja da ćeš se vratit
oli životon svojin to platit.

Ćale moj...

Nosin jaketu žutu i gače
ča si posla mi tisne i kraće.
Mater je uvik u tvojoj vešti
pa nam se smiju da smo furešti.

Tija bi ćale ka druga dica
jemat uza se svojega oca
s tobom se igrat, uz tebe ležat,
slušat te pričat, uvik te gledat.

Ćale moj...

Čekan te uvik da nam se vratiš
niko ne misli da svoj dug platiš
ven da uz mater u miru živiš,
pa da nam kuću opet oživiš.

Mater će umrit od velog jada,
ko će pogledat na mene tada?
Vrati se ćale puno te molim,
barem prez šolda, jerbo te volim.

Ćale moj...